သန်လျင်၊ ဇူလိုင် ၂

အိန္ဒိယနိုင်ငံ၊ Ministry of External Affairs, ITEC အစီအစဉ်ဖြင့် Gandhinagar မြို့တွင် ၃-၇-၂၀၂၅ ရက်နေ့ မှ ၁၆-၇-၂၀၂၅ ရက်နေ့အထိ ဖွင့်လှစ်မည့် “Programme on Entrepreneurship Education, Knowledge Management and Policy Research” သင်တန်းသို့တက်ရောက်ရန် သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)၊ သမဝါယမပညာဌာနမှ လက်ထောက်ကထိက ဒေါ်ခင်မိုးမြင့်အောင် သည် ၂-၇-၂၀၂၅ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်မှ နယူးဒေလီသို့  Air India လေကြောင်းလိုင်းဖြင့် နေလည် ၁:၀၀နာရီတွင် ထွက်ခွာခဲ့ရာ ပါမောက္ခချုပ် ဒေါက်တာရီရီဝင်းဦးဆောင်၍ သမဝါယမပညာဌာနမှ ပါမောက္ခ၊ ဌာနမှူးဒေါ်ခင်အေးမာနှင့် ဆရာမများ လိုက်ပါပို့ဆောင်ခဲ့ကြောင်း သတင်းရရှိသည်။