သန်လျင် မတ် ၂၄

သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)၏ ၂၀၂၅-၂၀၂၆ ပညာသင်နှစ်၊ ဒုတိယနှစ် (ပထမနှစ်ဝက်)၊ တတိယနှစ် (ပထမနှစ်ဝက်)နှင့် ဘွဲ့လွန်ဒီပလိုမာ (ဒုတိယနှစ်ဝက်) သင်တန်းများ၏ ကွန်ပျူတာဘာသာရပ်လက်တွေ့စစ်ဆေးခြင်းကို ၁၀-၃-၂၀၂၆ ရက်နေ့မှ ၁၃-၃-၂၀၂၆ ရက်နေ့အထိ စစ်ဆေးခဲ့ရာ သင်တန်းနှစ်အသီးသီးမှ ကျောင်းသား၊ ကျောင်းသူများအား ပါမောက္ခချုပ် ဒေါက်တာရီရီဝင်း ဦးဆောင်သည့် စာမေးပွဲစည်းကမ်းထိန်းသိမ်းရေးကြီးကြပ်မှု ကော်မတီအဖွဲ့ဝင်များက လိုက်လံကြည့်ရှုအားပေးခဲ့ကြသည်။ ဆက်လက်၍ ၂၀၂၅-၂၀၂၆ ပညာသင်နှစ်၊ ပထမနှစ်၊ ဒုတိယနှစ်၊ တတိယနှစ်နှင့် စတုတ္ထနှစ်သင်တန်းများ၏ ပထမနှစ်ဝက်နှင့် ၂၀၂၅-၂၀၂၆ ပညာသင်နှစ်၊ စတုတ္ထနှစ်နှင့် ဘွဲ့လွန်သင်တန်းများ၏ ဒုတိယနှစ်ဝက်ရေးဖြေ စာမေးပွဲ များကို ၁၆-၃-၂၀၂၆ ရက်နေ့မှ ၂၄-၃-၂၀၂၆ ရက်နေ့အထိ စစ်ဆေးခဲ့ရာ စာမေးပွဲဖြေဆိုသည့် ကျောင်းသား၊ ကျောင်းသူများအား ပါမောက္ခချုပ် ဒေါက်တာရီရီဝင်း ဦးဆောင်သည့် စာမေးပွဲစည်းကမ်းထိန်းသိမ်းရေးကြီးကြပ်မှု ကော်မတီအဖွဲ့ဝင်များက လိုက်လံကြည့်ရှုအားပေးခဲ့ ကြပြီး စာမေးပွဲများကို စာမေးပွဲကျင်းပရေး စီမံချက်နှင့်အညီ စနစ်တကျ အဆင်ပြေချောမွေ့စွာ စစ်ဆေးပြီးစီးကြောင်း သိရသည်။