သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)မိသားစု၏ ကဆုန်ညောင်ရေသွန်းလောင်းပွဲ ကို ဗုဒ္ဓမြတ်စွာဘုရားရှင်၏ “ဖွား၊ ပွင့်၊ ဟော၊ စံ၊ ဗျာဒိတ်ခံ”သည့် ကဆုန်လပြည့်နေ့(ဗုဒ္ဓနေ့) ၊ ၃၀-၄-၂၀၂၆ (ကြာသပတေးနေ့)၊ညနေ(၅:၀၀)နာရီအချိန်၌ တက္ကသိုလ်ဗုဒ္ဓဘာသာအသင်းကကြီးမှူး၍ ဆုတောင်းပြည့် သဗ္ဗဇယအောင်စေတီတော်အတွင်းရှိ မဟာဗောဓိညောင်ပင်တွင် ကျင်းပပြုလုပ်ခဲ့ပါသည်။ 

  ပထမဦးစွာ ပါမောက္ခချုပ်ဒေါက်တာရီရီဝင်းနှင့် သင်ကြား/စီမံ(ပါမောက္ခ၊ဌာနမှူးများ)၊ ခေတ္တ ဌာနမှူးများ၊ ဆရာ၊ ဆရာမများနှင့်ဝန်ထမ်းများသည် ကဆုန်ညောင်ရေသွန်းလောင်းခြင်းဖြင့် ကုသိုလ်ယူခဲ့ ကြပါသည်။ ဆက်လက်၍ တက္ကသိုလ်ဓမ္မာရုံတွင်ညောင်ရေသွန်းလောင်းရန် လာရောက်ကြသော ဆရာ၊ ဆရာမများ၊ ဝန်ထမ်းများကို အချိုရည်များလှူဒါန်းခဲ့ပြီး တက္ကသိုလ်မိသားစု၏ ကဆုန်ညောင်ရေသွန်း လောင်းပွဲကို အောင်မြင်စွာကျင်းပပြီးစီးခဲ့ပါသည်။