AUN-QA ၏ အသင်းဝင်တက္ကသိုလ်တစ်ခုဖြစ်သည့် ထိုင်းနိုင်ငံ၊ Prince of Songkla University – PSU မှ AUN-QA ၏ အသင်းဝင်နှင့် တွဲဖက်အသင်းဝင်တက္ကသိုလ်များသို့ Taste of Southern Thailand- Connecting Cultures through Gastronomy ခေါင်းစဉ်ဖြင့် ၂၀၂၆ ခုနှစ်၊ မေလ ၅ ရက်နေ့မှ ၁၈ ရက်နေ့အထိ ကျင်းပမည့် PSU-AUN Summer Camp 2026  အစီအစဉ်သို့ မြန်မာနိုင်ငံမှ သတ်မှတ်ချက်များနှင့်ကိုက်ညီသည့် ကျောင်းသား၊ ကျောင်းသူများအား လျှောက်ထားရန် ဖိတ်ကြား ချက်အရ မြန်မာနိုင်ငံရှိ AUN-QA အသင်းဝင်နှင့် တွဲဖက်အသင်းဝင်တက္ကသိုလ် (၄) ခုမှ ကျောင်းသား၊ ကျောင်းသူများ ဝင်ရောက်လျှောက်ထားခဲ့ရာ ကျောင်းသူ (၈) ဦးအား ရွေးချယ်ခဲ့ပါသည်။ အဆိုပါ ကျောင်းသူ (၈) ဦးအနက် ဤတက္ကသိုလ်မှ ဈေးကွက်ဖော်ဆောင်ရေးစီမံခန့်ခွဲမှုပညာ အထူးပြု၊ မဟာတန်း(ပထမနှစ်) ကျောင်းသူ မနှင်းဦးဝေနှင့် အသုံးချစာရင်းအင်းပညာအထူးပြု၊ စတုတ္ထနှစ် ကျောင်းသူ မခင်မြတ်နိုးသူတို့ ပါဝင်ခွင့်ရရှိခဲ့ပါသဖြင့် ထိုင်းနိုင်ငံ၊ PSU-AUN Summer Camp 2026 အစီအစဉ်သို့  တက်ရောက်ရန်အတွက် ယနေ့ နံနက် ၀၆:၄၀ နာရီအချိန်တွင် Myanmar National Airlines ဖြင့် ထိုင်းနိုင်ငံသို့ ထွက်ခွာရာ စာရင်းအင်းပညာဌာနမှ ပါမောက္ခ၊ ဌာနမှူး ဒေါက်တာချောအိအိထွန်း၊ စီမံခန့်ခွဲမှုပညာဌာနမှ ကထိက ဒေါ်အေးသုန်သုန်ကျော်နှင့် သင်တန်းရေးရာ ဌာန၊ နိုင်ငံတကာဆက်ဆံရေးဌာနခွဲမှ ဌာနခွဲမှူး ဒေါ်ကြည်ဖြူကိုတို့ လိုက်ပါပို့ဆောင်ခဲ့ကြောင်း သိရှိရသည်။